MNLF GMMS

Өргөдөл гаргагчийн гарын авлага

Системд бүртгүүлж, байгууллагын мэдээллээ оруулаад зарлагдсан грантад төслийн санал илгээх алхмууд.

Хэрэглэгч: грант хүсэгч байгууллага (ТББ, хэвлэл мэдээлэл г.м) Хаяг: grants.mnlf.org

I. Бүртгүүлэх, нэвтрэх

Нэвтрэх хуудас
Шинээр бүртгүүлэх
Нууц үг үүсгэх
Нууц үг мартсан

II. Өргөдөл гаргах

Байгууллагын мэдээлэл
Зарлагдсан грант, удирдамж
Өргөдөл бөглөх
Түр хадгалах, үргэлжлүүлэх
Баталгаажуулах, илгээх

III. Илгээсний дараа

Миний өргөдөл
Буцаагдсан өргөдлийг засах

IV. Шалгарсны дараа

Цэс ба төслүүд
Төслийн төлөвлөгөө бөглөх
Миний тайлан
Тайлан бөглөх 4 алхам
Мэдэгдэл
Түгээмэл асуулт

I хэсэг

Бүртгүүлэх, нэвтрэх

Нэг удаа бүртгүүлнэ. Зургууд тестийн орчноос авсан жишээ өгөгдөл.

01Нэвтрэх хуудас

Хөтчөөр grants.mnlf.org хаягаар орно. Бүртгэлтэй бол и-мэйл хаяг, нууц үгээ оруулж Нэвтрэх-г дарна.

Нэвтрэх хуудас: нэвтрэх нэр, нууц үг, нууц үг мартсан, шинээр бүртгүүлэх холбоос — **Зураг 1.**Нэвтрэх хуудас.

Нууц үг мартсан бол энд дарна уу: нууц үг сэргээх (04).
Шинээр бүртгүүлэх бол энд дарна уу: анх удаа бүртгүүлэх (02).
Баруун доод буланд хэлээ (Монгол / English) сольж болно.

02Шинээр бүртгүүлэх

И-мэйл: идэвхтэй ашигладаг хаягаа бичнэ. Нууц үг үүсгэх холбоос энэ хаяг руу очно.
Утасны дугаар-аа бичнэ.
Төрлөөс Өргөдөл гаргагч-ийг сонгоно (анхнаасаа сонгогдсон).
«Би өөрийн мэдээллээр системд бүртгүүлэхийг зөвшөөрч байна» нүдийг тэмдэглээд Бүртгүүлэх-г дарна.

Бүртгүүлэх маягт: и-мэйл, утас, Өргөдөл гаргагч сонгосон, зөвшөөрлийн нүд тэмдэглэсэн — **Зураг 2.**Бөглөсөн бүртгүүлэх маягт.

Амжилттай бол «Таны хэрэглэгчийн эрхийн хүсэлт амжилттай илгээгдлээ» мэдэгдэл гарна. И-мэйлээ шалгана уу.

Бүртгэлийн хүсэлт амжилттай илгээгдлээ мэдэгдэл — **Зураг 3.**Бүртгэлийн хүсэлт илгээгдсэн.

Төрөл	Хэн сонгох	Дараа нь
Өргөдөл гаргагч	Грантад төсөл илгээх байгууллага	Нууц үг үүсгэх холбоос шууд и-мэйлээр очно
Донор	Санд хандив өгөх хувь хүн, байгууллага	Мөн шууд и-мэйлээр очно
Бусад	Үнэлгээний хорооны гишүүн, хамтрагч г.м	Админ хүсэлтийг баталгаажуулсны дараа и-мэйл очно

И-мэйл ирэхгүй байна уу?«Spam / Promotions» хавтсаа шалгана уу. Илгээгч: no-reply@mnlf.org. И-мэйл аль хэдийн бүртгэлтэй бол «Нууц үг мартсан»-аар сэргээнэ.

03Нууц үг үүсгэх

И-мэйлээр ирсэн холбоос дээр дарахад Хэрэглэгч идэвхжүүлэх хуудас нээгдэнэ. Холбоос 24 цаг хүчинтэй.

Хэрэглэгч идэвхжүүлэх: нууц үг, давтах, 6 шаардлага улаан — **Зураг 4.**Нууц үгийн шаардлагууд анх улаан ✕-тэй харагдана.

Нууц үг дараах бүх шаардлагыг хангах ёстой:

Хамгийн багадаа 8 тэмдэгт
Дор хаяж нэг том үсэг, нэг жижиг үсэг
Дор хаяж нэг тоо
Дор хаяж нэг тусгай тэмдэгт: # ? ! @ $ % ^ & * -
Давтаж бичсэн нууц үг ижил

**Зураг 5.**Бүх шаардлага ногоон ✓ болсны дараа «Хадгалах».

Хадгалах-г дараад нэвтрэх хуудаснаас и-мэйл, шинэ нууц үгээрээ нэвтэрнэ.

Холбоосын хугацаа дууссан«Нууц үг шинэчлэх холбоос хүчингүй байна» гэж гарвал «Нууц үг мартсан»-аар шинэ холбоос авна.

04Нууц үг мартсан

Нэвтрэх хуудасны «Нууц үг мартсан бол энд дарна уу»-г дарж, бүртгэлтэй и-мэйлээ оруулаад Идэвхжүүлэх код илгээх-г дарна. Ирсэн холбоосоор 03-т заасны дагуу шинэ нууц үг үүсгэнэ.

Нууц үг мартсан: бүртгэлтэй и-мэйл хаяг оруулах — **Зураг 6.**Нууц үг сэргээх.

II хэсэг

Өргөдөл гаргах

Жишээ: «ТХГН-ийн талаарх олон нийтийн мэдлэг, ойлголтыг нэмэгдүүлэх грант 2026».

05Байгууллагын мэдээлэл

Анх нэвтэрхэд Зарлагдсан грант хуудас нээгдэж, «Грант хүсэлт илгээхийн тулд байгууллагын мэдээлэл бүртгэсэн байх шаардлагатай» сануулга гарна. Энд дарж бүртгүүлэх-ийг дарна.

Зураг 7.Байгууллагын мэдээлэл бүртгээгүй үеийн сануулга.

Профайл хуудас хоёр хэсэгтэй:

Хэрэглэгчийн мэдээлэл (зүүн): овог, нэр. Утас, и-мэйл бүртгэлээс автоматаар бөглөгдсөн. Тусдаа Хадгалах товчтой.
Холбосон байгууллагын мэдээлэл (баруун): * тэмдэгтэй талбарууд заавал.

Зураг 8.Бөглөсөн профайл (тест өгөгдөл).

Хэсэг	Талбарууд
Байгууллагын үндсэн мэдээлэл	Байгууллагын нэр, регистрийн дугаар, хуулийн этгээдийн хэлбэр*, эцсийн өмчлөгч, үүсгэн байгуулагдсан огноо, ажилчдын тоо
Гүйцэтгэх удирдлага	Овог, нэр, цахим хаяг, утас
Төсөл хариуцсан ажилтан	Овог, нэр, цахим хаяг, утас
Бусад	Үйл ажиллагааны үндсэн чиглэл, утас, и-мэйл, вебсайт, сошиал хаяг, албан ёсны хаяг

Доод талын Хадгалах → Тийм. Хадгалсны дараа «Зарлагдсан грант» руу автоматаар буцна.

Мэдээлэл өргөдөлд автоматаар орноБайгууллагын нэр, регистр зэрэг мэдээлэл өргөдлийн маягтын холбогдох талбаруудад ашиглагдана. Тиймээс үнэн зөв бөглөнө үү.

06Зарлагдсан грант, удирдамж

Зарлагдсан грант цэсэнд таны хүсэлт гаргах боломжтой грантууд карт хэлбэрээр харагдана. Карт бүрт санхүүжүүлэгч, хөтөлбөр, дээд хэмжээ, хүлээн авах хугацаа, үлдсэн хоног байна. Дээд талын шүүлтүүр, хайлтаар грантаа олно.

Картын Грантын удирдамж-ийг дарна.
Удирдамжийг эцэс хүртэл гүйлгэж уншина. Зүүн талын агуулгаас бүлэг рүү шууд үсэрч болно. Доод талд уншсан явц (жишээ нь 3/3) харагдана.
Сүүлийн бүлэгт хүрэхэд Хүсэлт илгээх товч идэвхжинэ. Түүнийг дарж өргөдөл бөглөж эхэлнэ.

Грант олгох удирдамж цонх, зүүн талд агуулга, Хүсэлт илгээх идэвхгүй — **Зураг 9.**Удирдамж. «Хүсэлт илгээх» одоохондоо идэвхгүй.

Сүүлийн бүлэг 3/3, Хүсэлт илгээх идэвхтэй — **Зураг 10.**Сүүлийн бүлэгт хүрсэн. «Хүсэлт илгээх» идэвхжсэн.

Картын «Хүсэлт илгээх»Картын доод талын «Хүсэлт илгээх» товч ч мөн удирдамжийг нээнэ. Удирдамжийг уншаагүйгээр өргөдөл эхлэх боломжгүй.

07Өргөдөл бөглөх

Өргөдлийн хуудас алхамтай. Дээд талд одоогийн алхам, явцын мөр, Өмнөх / Дараах товч байна. Грантын мэдээлэл-ийг дэлгэж грантын товч мэдээллийг харж болно.

Өргөдлийн хуудас: Алхам 1/5 Ерөнхий мэдээлэл — **Зураг 11.**Өргөдлийн эхний алхам.

Грантын төрөл	Алхмууд
Энгийн	1. Ерөнхий мэдээлэл → 2. Баталгаажуулалт
Үндсэн	1. Ерөнхий мэдээлэл → 2. Арга хэмжээ → 3. Үр дүн, шалгуур → 4. Төсөв → 5. Баталгаажуулалт

Асуултад хариулах

* тэмдэгтэй асуулт заавал бөглөнө.
Асуулт бүрийн доорх тайлбарыг (жишээ нь «300 үгэнд багтаах») анхаарна.
Хүснэгт хоёр янз байна: доор нь Мөр нэмэх товчтой бол шаардлагатай тоогоор мөр нэмж, 🗑-ээр устгана (Зураг 12). Зүүн талд мөрийн нэрс бичигдсэн бол мөрийн тоо тогтмол. Мөр нэмэхгүй, мөр бүрийн нүдийг л бөглөнө (Зураг 12а).
Дүн: тоогоор бичнэ, мянгатын таслал автоматаар гарна.
Тийм / Үгүй: аль нэгийг дарж сонгоно.

Төслийн төлөвлөгөө хүснэгт, 2 мөр бөглөсөн — **Зураг 12.**Хүснэгтэд 2 мөр нэмж бөглөсөн.

Мөрийн нэрс тогтмол хүснэгт: Өөрийн хөрөнгө, Бусад хандивлагч, Сангаас хүсэх дүн мөр бүрт Дүн, Тайлбар нүд; мөр нэмэх товчгүй — **Зураг 12а.**Мөрийн нэрс тогтмол хүснэгт. Мөр бүрийн «Дүн», «Тайлбар»-ыг бөглөнө, мөр нэмэх товч байхгүй.

Санхүүгийн мэдээлэл: дүн 30,000,000, Тийм сонгосон; Түр хадгалах, Хадгалаад үргэлжлүүлэх товч — **Зураг 13.**Дүн, Тийм/Үгүй асуулт ба доод талын товчнууд.

Үндсэн грантын нэмэлт алхмууд«Арга хэмжээ» алхамд Арга хэмжээ нэмэх-ээр дугаар, нэр, хугацаа, хэмжих нэгж, тоог оруулна. «Үр дүн, шалгуур», «Төсөв» алхмуудыг мөн адил бөглөнө. Огноо сонгохдоо календараас дарж сонгоно уу. Огноо бичээд Enter дарвал цонх хадгалагдалгүй хаагдаж болно.

08Түр хадгалах, үргэлжлүүлэх

Товч	Үйлдэл
Түр хадгалах	Дутуу байсан ч хадгална. «Таны хүсэлт түр хадгалагдлаа» мэдэгдэл гарна. Дараа нь үргэлжлүүлж болно.
Хадгалаад үргэлжлүүлэх	Бүх заавал асуулт бөглөгдсөн бол хадгалаад дараагийн алхам руу шилжинэ. Дутуу бол алдаатай асуултууд улаанаар тэмдэглэгдэнэ.

Таны хүсэлт түр хадгалагдлаа мэдэгдэл — **Зураг 14.**Түр хадгалсан.

Түр хадгалсан өргөдлийн карт Түр хадгалсан шошготой болж, Үргэлжлүүлэх товч гарна. Хүлээн авах хугацаа дуусахаас өмнө илгээх ёстой.

Түр хадгалсан шошготой грантын карт, Үргэлжлүүлэх товч — **Зураг 15.**Түр хадгалсан өргөдлийг «Үргэлжлүүлэх».

09Баталгаажуулах, илгээх

Сүүлийн алхам Баталгаажуулалт-д бүрдэл шалгагдаж, Хүсэлтийн хураангуй харагдана. Хэсэг бүрийн Засах-аар буцаж засаж болно.

Баталгаажуулалт: Бүх мэдээлэл бүрэн бөглөгдсөн, хураангуй — **Зураг 16.**«Бүх мэдээлэл бүрэн бөглөөд зөв байна».

Доош үсрэх-ээр хуудасны доод хэсэгт очиж Хүсэлт илгээх-г дарна.

Хүсэлт илгээхэд бэлэн байна, анхааруулга, Хүсэлт илгээх товч — **Зураг 17.**Бүрдэл байдал ба «Хүсэлт илгээх» товч.

Та хүсэлт илгээхдээ итгэлтэй байна уу? Үгүй / Илгээх — **Зураг 18.**Илгээх баталгаажуулалт.

Илгээсний дараа засах боломжгүйИлгээмэгц өргөдөл грантын мэргэжилтэнд шилжиж түгжигдэнэ. Илгээхээс өмнө хураангуйг сайтар шалгана уу.

III хэсэг

Илгээсний дараа

Өргөдлийн явцыг хянах, шалгарсны дараах тайлан.

10Миний өргөдөл

Илгээсний дараа Миний өргөдөл хуудас нээгдэнэ. Дээд талын картууд төлөв тус бүрийн тоог харуулна. Карт дээр дарж шүүнэ.

Миний өргөдөл: төлвийн картууд, Илгээсэн төлөвтэй 1 хүсэлт, Харах ба PDF файл татах — **Зураг 19.**Илгээсэн хүсэлт.

Төлөв	Утга
Түр хадгалсан	Бөглөж байгаа, илгээгээгүй
Илгээсэн	Мэргэжилтэнд очсон, хүлээгдэж буй
Хянагдаж буй	Бичиг баримт шалгах, үнэлгээний шатанд
Буцаагдсан	Засварлуулахаар буцаасан. Засаад дахин илгээнэ
Шалгарсан	Санхүүжилт авахаар шалгарсан
Шалгараагүй	Татгалзсан

Харах: илгээсэн өргөдлийг зөвхөн харах горимд нээнэ.
PDF файл татах: өргөдлөө PDF-ээр хадгална.

Илгээсэн өргөдөл: Засах биш Харах товчтой — **Зураг 20.**Илгээсэн өргөдлийг зөвхөн харах боломжтой.

11Буцаагдсан өргөдлийг засах

Мэргэжилтэн өргөдлийг засварлуулахаар буцаавал 🔔 мэдэгдэл ирнэ.

Хүсэлт буцаагдлаа мэдэгдэл — **Зураг 21.**«Хүсэлт буцаагдлаа» мэдэгдэл.

Миний өргөдөл-д өргөдөл Буцаагдсан төлөвтэй, доор нь буцаасан шалтгаан харагдана. Засах-ыг дарна.

Буцаагдсан өргөдөл, буцаасан шалтгаан, Засах товч — **Зураг 22.**Буцаагдсан өргөдөл ба шалтгаан.

Шалтгаанд заасан асуултыг засна. Жишээ нь дутуу файлыг Select File-ээр хавсаргана.
Хадгалаад үргэлжлүүлэх → Баталгаажуулалт алхам.
Дахин илгээх → Илгээх.

Хавсаргасан файл — **Зураг 23.**Дутуу файлыг хавсаргасан.

Дахин илгээх товч — **Зураг 24.**«Дахин илгээх».

Дахин илгээсний дараа өргөдөл Илгээсэн төлөвт шилжиж, мэргэжилтэнд дахин очно.

Дахин илгээсний дараа Илгээсэн төлөв — **Зураг 25.**Дахин илгээгдсэн өргөдөл.

IV хэсэг

Шалгарсны дараа

Өргөдөл шалгармагц төсөл үүсэж, гэрээ байгуулах, тайлан өгөх ажил энэ хэсэгт. Зургууд тестийн өгөгдөл.

12Цэс ба төслүүд

Өргөдөл гаргагчийн цэс: Зарлагдсан грант, Миний өргөдөл, Миний тайлан.

Миний өргөдөл-д шалгарсан өргөдөл «Шалгарсан — төсөл явагдаж байна» бүлэгт төслийн кодтой гарна: төлөв (Эхлээгүй / Явагдаж буй / Хаагдсан), хугацаа, санхүүжилт, хэрэгжилтийн явц, дараагийн төлбөр. Хийх ажил байвал шар шошго, товч гарна (жишээ нь Төлөвлөгөө бөглөх).

Миний өргөдөл: шалгарсан 3 төсөл — төлөв, хугацаа, санхүүжилт, явц; Төсөл харах, Хүсэлт — **Зураг 29.**Шалгарсан төслүүд. Хийх ажил байвал (жишээ нь төлөвлөгөө бөглөх) шар шошго, товч нэмэгдэнэ.

13Төслийн төлөвлөгөө бөглөх

Энгийн грантын өргөдөлд төлөвлөгөө байдаггүй тул шалгарсны дараа грантын мэргэжилтэн танаар бөглүүлж болно. Төлөвлөгөө бөглөх дарахад «Гэрээ байгуулах» самбар нээгдэнэ.

Үйл ажиллагаа: Арга хэмжээ нэмэх — нэр, хамаарах үр дүн, хугацаа, баталгаажуулалт, төсвийн мөрүүд (тоо × нэгжийн үнэ).
Үр дүн, шалгуур: хүрэх үр дүн, гарц, шалгуур үзүүлэлт.
Төсөв: бүх арга хэмжээний төсвийн нийлбэр нь санхүүжилттэй тэнцүү байх ёстой.

Төслийн төлөвлөгөөг бөглөх: Үйл ажиллагаа бөглөсөн, Үр дүн бөглөсөн, Төсөв дутуу 27,000,000; 2/3 хэсэг, төсөв тэнцэхгүй — **Зураг 30.**Төсөв санхүүжилттэй тэнцээгүй — «дутуу».

3 хэсэг «✓ бөглөсөн» болоход Хянуулахаар илгээх идэвхжинэ. Засвар бүр шууд хадгалагдана.

3/3 хэсэг бөглөгдсөн, төсөв 30,000,000 тэнцүү; Хянуулахаар илгээх — **Зураг 31.**Илгээхэд бэлэн.

Илгээсний дараа мэргэжилтэн хянана («Грантын мэргэжилтэн төлөвлөгөөг хянаж байна»). Батлах эсвэл засуулахаар буцаахад мэдэгдэл очно. Дараа нь мэргэжилтэн тайлан, төлбөрийн хуваарь гаргаж гэрээг батална.

Хүлээж байна — Грантын мэргэжилтэн төлөвлөгөөг хянаж байна — **Зураг 32.**Хянуулахаар илгээсэн.

14Миний тайлан

Гэрээ батлагдмагц тайлангийн хуваарь үүснэ. Миний тайлан-д бөглөх тайлан, засах мөр, удахгүй нээгдэх тайлан бүх төслөөр нэг дор. Тайлан нээгдмэгц мөрөнд Бөглөх гарна. Илгээсэн, батлагдсан тайлан баруун талын «Өмнөх тайлангууд»-д.

Миний тайлан: одоогоор хийх ажил алга; Удахгүй ирэх; Өмнөх тайлангууд — 2 батлагдсан; Яаж ажиллах — **Зураг 33.**Миний тайлан.

15Тайлан бөглөх 4 алхам

Тайлан зүүн талын 4 алхамтай; алхам бүрийн явц, доор нь «N/4 бэлэн».

Үйл ажиллагааны явц: арга хэмжээ бүрт гүйцэтгэлийн хувь (0 / 25 / 50 / 75 / 100% — төлөв автоматаар тодорно), хийсэн ажил (заавал), тулгарсан асуудал, нотлох баримт.
Шалгуурын биелэлт: шалгуур үзүүлэлт бүрийн хүрсэн утга.
Зарцуулалт, баримт: хүлээн авсан олголтын төсвийн мөр бүрт зарцуулсан дүн, баримт. 10%-иас их хэтэрсэн бол зөрүүний тайлбар заавал.
Хураангуй: тайлант хугацааны товч дүгнэлт → Илгээх.

Тайлан: 1. Үйл ажиллагааны явц — гүйцэтгэлийн хувь 25%, хийсэн ажил, тулгарсан асуудал, нотлох баримт — **Зураг 34.**Үйл ажиллагааны явц.

Тайлан: 3. Зарцуулалт, баримт — төсвийн мөр, төлөвлөсөн, зарцуулсан, зөрүү, баримт; +30% мөрөнд зөрүүний тайлбар — **Зураг 35.**Зарцуулалт: +30% хэтэрсэн мөрөнд тайлбар заавал.

Илгээсэн тайланг грантын мэргэжилтэн, санхүүгийн менежер, грант менежер дарааллаар хянана. Засуулахаар буцаавал «Миний тайлан»-д Засвар гарч, зөвхөн тэмдэглэсэн мөрүүдийг засаад дахин илгээнэ. Батлагдмагц холбогдох олголт хийгдэнэ.

16Мэдэгдэл

Баруун дээд буланд 🔔 дээр дарж системийн мэдэгдлүүдийг (өргөдлийн төлөв, буцаалт, тайлан нээгдсэн, олголт г.м) харна.

17Түгээмэл асуулт

Грант харагдахгүй байна.: Хүлээн авах хугацаа дууссан, эсвэл тухайн грант зөвхөн өмнө нь тодорхой грантад шалгарсан байгууллагад нээлттэй байж болно.
«Хүсэлт илгээх» идэвхгүй байна.: Удирдамжийг сүүлийн бүлэг хүртэл гүйлгэж уншина уу. Хугацаа дууссан бол мөн идэвхгүй.
«Хадгалаад үргэлжлүүлэх» ажиллахгүй байна.: Заавал (*) асуулт дутуу байна. Улаанаар тэмдэглэгдсэн асуултыг бөглөнө үү. Дутуу хадгалах бол «Түр хадгалах».
Илгээсэн өргөдлөө засах боломжтой юу?: Үгүй. Мэргэжилтэн «Буцаасан» тохиолдолд л засаж дахин илгээнэ (11).
Байгууллагын мэдээллээ өөрчлөх үү?: Баруун дээд буланд нэр дээрээ дарж Миний мэдээлэл-ийг сонгоно. Засаад «Хадгалах». Системээс гарах бол мөн тэр цэсний Гарах.
Нууц үг үүсгэх холбоосны хугацаа дууссан.: «Нууц үг мартсан»-аар шинэ холбоос авна.
«Хянуулахаар илгээх» идэвхгүй байна.: Төлөвлөгөөний 3 хэсэг бөглөгдөөгүй, эсвэл төсвийн нийлбэр санхүүжилттэй тэнцэхгүй байна.
Тайлан хаана гарах вэ?: Тайлангийн хугацаа эхлэхэд «Миний тайлан»-д Бөглөх гарна. Өмнө нь «Удахгүй ирэх»-д харагдана.